1fosa 1fosvest1 1sds1 1st.fjall 1staf 1stavey 1sth 2bsrb 2styrktar 2mannauds 2starfsmat 2virk 2felagsmalth 2framvegis

A+ R A-

Samkomulag um trúnaðarmenn

Samkomulag um trúnaðarmenn.                                                       Gert 18. apríl 1991

Fjármálaráðherra f.h. ríkissjóðs og viðkomandi bæjarstarfsmannafélag gera með sér svofellt samkomulag.

1. gr.

Skv. þessu samkomulagi teljast þeir trúnaðarmenn í skilningi laga nr. 94/1986, um kjarasamninga opinberra starfsmanna sem eru:

1.1.      kjörnir trúnaðarmenn skv. 28. gr. þeirra laga, sbr. einnig 2. gr. þessa samkomulags,

1.2.      kjörnir trúnaðarmenn skv. 2. gr. þessa samkomulags,

1.3.      kjörnir stjórnarmenn stéttarfélaga og heildarsamtaka þeirra,

1.4.      kjörnir samninganefndarmenn stéttarfélaganna.

2. gr.

Trúnaðarmenn má kjósa fyrir svæði ef vinnustaðir uppfylla ekki fjöldaskilyrði 1. mgr. 28. gr. laga nr. 94/1986. Trúnaðarmann má kjósa fyrir hverja þrjá vinnustaði þar sem áðurnefnd fjöldaskilyrði eru ekki uppfyllt.

Á þeim vinnustöðum þar sem starfsmenn vinna skv. mismunandi vinnutímakerfum, skal þrátt fyrir ákvæði 28. gr. laga nr. 94/1986, kjósa einn trúnaðarmann hið minnsta fyrir hvert vinnutímakerfi.

3. gr.

Trúnaðarmönnum skal heimilt að sækja þing, fundi, ráðstefnur og námskeið á vegum stéttarfélagsins í allt að eina viku einu sinni á ári án skerðingar á reglubundnum launum.

Þeir sem kjörnir eru í samninganefnd fá leyfi til að sinna því verkefni án skerðingar á reglubundnum launum. Í öllum framangreindum tilvikum skal tilkynna yfirmanni stofnunar með eðlilegum fyrirvara um slíkar fjarvistir.

4. gr.

Fjármálaráðherra mun beita sér fyrir því að trúnaðarmenn og stéttarfélög geti haldið vinnustaðafundi enda séu slíkir fundir ekki til verulegs ónæðis fyrir starfsemi eða þjónustu viðkomandi stofnunar.

Fjármálaráðherra mun beita sér fyrir því að starfsmenn geti sótt námskeið um félagsleg málefni sem haldin eru á vegum viðkomandi stéttarfélags eða heildarsamtakanna og fái til þess leyfi frá störfum án skerðingar á reglubundnum launum.

5. gr.

Óski annar hvor aðila eftir breytingum á samkomulagi þessu, skal hann kynna gagnaðila þær skriflega. Takist ekki samkomulag innan þriggja mánaða, getur hvor aðili um sig innan einnar viku sagt upp samkomulagi þessu með eins mánaðar fyrirvara. Yfirlýsing fjármálaráðherra vegna Félagsmálaskóla alþýðu 8. apríl 1991:

Fari félagsmaður í aðildarfélagi BSRB í Félagsmálaskóla alþýðu, þá eiga við ákvæði 2. mgr. 4. gr. í „Samkomulagi um trúnaðarmenn“, enda hafi félag viðkomandi starfsmanns gerst aðili að samkomulaginu.

Félög annað

2styrktar 2mannauds 2starfsmat 2virk 2felagsmalth 2framvegis

samflogo13b  Samflot bæjarstarfsmanna      Samstarfsvettvangur um karasamninga